राजेन्द्र शाक्यको पसलबाट नौ करोडका गहना बरामद (फोटो फिचर)

राजेन्द्र शाक्यको पसलबाट नौ करोडका गहना बरामद (फोटो फिचर)

काठमाडौँ: सनम शाक्य हत्याकाण्ड र साढे ३३ किलो सुन तस्करी सम्बन्धमा गृह मन्त्रालयअन्तर्गत गठन भएको छानविन समितिले आज काठमाडौँका तीन सुन पसलमा छापा मारेको छ ।

न्यूरोडस्थित राजेन्द्रकुमार शाक्यको आरके ज्वेलर्सका दुई पसल र दरबारमार्गस्थित आर के डायमन्डमा छापा मारिएको हो । सो क्रममा तीनवटै पसलमा रहेको हिरा, सुन, चाँदीलगायत सबै गरगहना छानबिन समितिले नियन्त्रणमा लिएको छ ।

गृह मन्त्रालयका सहसचिव ईश्वरराज पौडेलको नेतृत्वमा सो छानबिन समिति गठन भएको थियो । उक्त पसलका मालिक शाक्य पक्राउ परी थुनामा रहेका छन् । सोही क्रममा अनुसन्धानमा थप प्रमाण जुटाउन भन्दै समितिले आज छापामारी गरगहना नियन्त्रणमा लिएको हो ।

टोलीले दरबारस्थित आरके डायमण्डमा सोमबार दिउँसो छापा मारेर सुन, हीरा र मोतीका गहनाहरु बरामद गरेको हो । छापामार्ने क्रममा तीन पसलबाट नौ करोड ३२ लाख ६८ हजार ५२८ रुपैयाँका सुन, हीरा र मोतीका गहना बरामद भएका छन् ।

Source annapurnapost

Share