ताइवानमा रेल दुर्घटनाः १८ को मृत्यु, एक सय ७० घाइते

ताइवानमा रेल दुर्घटनाः १८ को मृत्यु, एक सय ७० घाइते

ताइवानको उत्तर पूर्वी इलाकामा आइतबार भएको रेल दुर्घटनामा कम्तीमा १८ को मृत्यु भएको छ भने एक सय ७० घाइते भएका छन् ।

रेल अधिकारीका अनुसार ताइपेबाट टाइटंग गइरहेको रेल यिलान काउन्टी नजिकैको ट्र्याकबाट बाहिर निस्किएको थियो । आठ डब्बा भएको उक्त रेलमा तीन सय ६६ यात्री सवार थिए ।

ताइवाना नेता साइ इंग वेनले यसलाई ‘सबैभन्दा ठूलो दुर्घटना’ बताएका छन् ।

घटनाको कारणबारे अनुसन्धान भइरहेको रेल अधिकारीले जानकारी दिएका छन् ।

अधिकारीका अनुसार दुर्घटना ताइपेबाट करिब ७० किलोमिटर टाढा पुयूमा एक्सप्रेसमा भएको थियो ।

ताइवान रेल प्रशासनका उप–प्रमुख लू जी शेनले उक्त रेल ६ वर्ष पुरानो र दुर्घटनाअघि राम्रो कन्डिशनमा भएको जानकारी दिए ।

Source ratopati

Share